Follow Us "சுந்தர் பிச்சையின் பாதுகாப்புக்கு கூகுள் செலவிடும் பணத்தில் 15 பென்ஸ் கார் வாங்கலாம்!!")
கூகுள் சிஇஓ சுந்தர் பிச்சையின் பாதுகாப்புக்கு 2024ஆம் ஆண்டில் ரூ.67.8 கோடி செலவிடப்பட்டுள்ளது. இது முந்தைய ஆண்டை விட அதிகம். வீட்டுப் பாதுகாப்பு, கன்சல்டேசன், கண்காணிப்பு, தனிப்பட்ட விமானம், பயணப் பாதுகாப்பு ஆகியவை இதில் அடங்கும்.
Sundar Pichai safety expenses google: இந்தியாவுக்கு மட்டுமின்றி தமிழ்நாட்டுக்கும் இன்று பெருமை சேர்த்துக் கொண்டு இருப்பவர் கூகுள் சிஇஓ சுந்தர் பிச்சை. இவருக்கு சம்பளம் அதிகம் ஆனால், இவரை பாதுகாப்பதற்கு கூகுள் செலவிடும் தொகையை பார்த்தால் அதிர்ச்சி ஆகிவிடுவீர்கள்.
சுந்தர் பிச்சையின் கூகுள் பயணம்
Google CEO-வாக கடந்த பத்தாண்டுகளுக்கும் மேலாக பணியாற்றி வருபவர் சுந்தர் பிச்சை. இவருக்கு வழங்கப்படும் சம்பளம் அதிகம் என்றாலும், இவரது பாதுகாப்பு கூகுள் நிறுவனத்துக்கு முக்கியமாக இருக்கிறது. சமீபத்தில் கூகுள் நிறுவனம் அமெரிக்க பாதுகாப்பு மற்றும் எக்சேஞ்ச் கமிஷனுக்கு அறிக்கை ஒன்று தாக்கல் செய்து இருந்தது. அதில், கடந்த 2024ஆம் ஆண்டில் சுந்தர் பிச்சையின் பாதுகாப்புக்கு என்று கூகுள் நிறுவனம் இந்திய ரூபாய் மதிப்பில் சுமார் 67.8 கோடி ரூபாய் செலவழித்து இருப்பதை குறிப்பிட்டுள்ளது. இதற்கு முந்தைய ஆண்டு இவரது பாதுகாப்புக்கு கூகுள் நிறுவனம் ரூ. 57.48 கோடி செலவழித்து இருந்தது குறிப்பிடத்தக்கது.
எதற்காக இத்தனை கோடி செலவு; ஆல்பாபெட் கருத்து
கூகுளின் தாய் நிறுவனமான ஆல்பாபெட் தெரிவித்து இருக்கும் தகவலில், வீட்டின் பாதுகாப்பு, கன்சல்டேசன் கட்டணம், கண்காணிப்பு கட்டணம், தனிப்பட்ட விமானம், பயண பாதுகாப்பு ஆகியவை அடங்கும் என்று தெரிவித்துள்ளது. "இந்த ஏற்பாடுகளும் செலவுகளும் நியாயமானவை, பொருத்தமானவை, அவசியமானவை மற்றும் ஆல்பாபெட் மற்றும் அதன் பங்குதாரர்களின் நலன்களுக்காகவே என்று கூறியுள்ளது. இவை எல்லாம் எங்களது வணிகத்திற்கு ஏற்படும் அபாயங்களைக் குறைக்கின்றன," என்று ஆல்பாபெட் நிறுவனம் தனது அறிக்கையில் தெளிவுபடுத்தியுள்ளது.
Related Articles
சுந்தர் பிச்சையின் அடிப்படை சம்பளம் என்ன?
ஆல்பபெட் நிறுவத்தின் 2025 ஆம் ஆண்டின் PROXY அறிக்கையின் படி, பிச்சை கடந்த ஆண்டில் 10.73 மில்லியன் டாலர் சம்பளம் பெற்றார். இது அவர் 2023-ஆம் ஆண்டில் பெற்ற 8.8 மில்லியன் டாலர் சம்பளத்தை விட உயர்வாகும். அவரது அடிப்படை சம்பளமாகும் அது 2 மில்லியன் டாலர் என்று தெரிய வந்துள்ளது.
கூகுள் ஊழியரின் சம்பளம் என்ன?
சராசரி முழுநேர கூகுள் ஊழியர் கடந்த ஆண்டு 331,894 டாலர் சம்பாதித்தார். இது 2023 ஐ விட 5% அதிகம். இது நல்ல உயர்வாகும். ஆனால், சுந்தர் பிச்சையின் சம்பளம் சராசரி ஊழியரின் சம்பளத்தை விட சுமார் 32 மடங்கு அதிகம்.
