14 வயதில் அறிமுகம், 16 வயதில் தேசிய விருது வாங்கி 21 வயதில் இறந்த நடிகையை பற்றி தெரியுமா?

Monisha Unni : கேரளா மாநிலம் கோழிக்கூட்டில் பிறந்து வளர்ந்தவர் நடிகை மோனிஷா உன்னி. கடந்த 1984 ஆம் ஆண்டு திரைக்கு வந்த பாவயா என்ற தமிழ் குறும்படத்தின் மூலமாக அறிமுகமானார். அப்போது அவருக்கு வயது 14. இந்தப் படத்திற்கு பிறகு மலையாள சினிமாவில் அறிமுகமானார். அப்படி அவர் நடித்து ஹிட் கொடுத்த Nakhakshathangal என்ற படத்திற்காக இளம் நடிகைக்கான தேசிய விருது வென்றார். அப்போது அவருக்கு வயது 16. சினிமாவில் அறிமுகமான 2 ஆண்டுகளில் தேசிய விருது பெறுவது என்பது அவ்வளவு எளிதான விஷயமல்ல. ஆனால், அந்த சாதனையை மோனிஷா உன்னி கடந்த 38 ஆண்டுகளுக்கு முன்னரே படைத்துவிட்டார்.

மோனிஷாவும் அவரது சினிமா வாழ்க்கையும்

கடந்த 1986 ஆம் ஆண்டு திரைக்கு வந்த Nakhakshathangal (நக்கக்ஷதங்கள்) என்ற மலையாள படத்தின் மூலமாக மலையாள சினிமாவில் அறிமுகமான மோனிஷா உன்னி தனது முதல் மலையாள படத்திலேயே தேசிய விருது வென்றார். இந்தப் படத்தில் வினீத், சலீமா, கவியூர் பொண்ணம்மா, திலகன் ஆகியோர் பலர் நடித்திருந்தனர். இந்தப் படத்தில் சிறந்த நடிப்பை வெளிப்படுத்தி சிறந்த இளம் நடிகைக்கான தேசிய விருது வென்றார்.

அதன் பிறகு பல மலையாள படங்களில் நடித்தார். அதோடு, பூக்கள் விடும் தூது, திராவிடன், உன்னை நெனச்சேன் பாட்டு படிச்சேன், மூன்றாவது கண் ஆகிய தமிழ் படங்களில் நடித்துள்ளார். சினிமாவில் அறிமுகமான குறுகிய காலத்திலேயே ஏராளமான படங்களில் நடித்துள்ளார். அதோடு மோனிஷா உன்னியின் எல்லா படங்களுமே பெரும்பாலும் ரசிகர்களிடையே நல்ல வரவேற்பு பெற்றன. உன்னை நெனச்சேன் பாட்டு படிச்சேன் படத்தில் இடம் பெற்ற எல்லா பாடல்களுமே சூப்பர் ஹிட்.

மோனிஷா சென்ற கார் விபத்து

ஆனால், இந்தப் படத்தில் அவரது கதாபாத்திரத்தின் படி அவர் இறந்துவிடுகிறார். உண்மையில் ஒரு சில மாதங்களிலேயே அவர் உண்மையாகவே இறந்துவிடுகிறார். கடந்த 1992ஆம் ஆண்டு கேரளாவின் ஆலப்புழா செர்தலா அருகில் எக்ஸ்ரே பைபாஸ் சந்திப்பின் போது மோனிஷா மற்றும் அவரது தாயார் சென்ற வாகனம் அரசு பேருந்து மீது மோதி விபத்துக்குள்ளானது.

இந்த விபத்தில் மோனிஷாவின் தாயார் ஸ்ரீதேவி உன்னி லேசான காயங்களுடன் உயிர் தப்பிய நிலையில் மோனிஷா உன்னி கழுத்து எலும்பு முறிவு ஏற்பட்ட நிலையில் சிறிது நேரத்திலேயே பரிதாபமாக உயிரிழந்தார். அதுமட்டுமின்றி மோனிஷாவின் மூக்கு மற்றும் காதுகள் வழியாக இரத்தம் கசிந்துள்ளது. இதையடுத்து அவர் கேவிஎம் மருத்துவமனைக்கு கொண்டு செல்லப்பட்ட நிலையில் பரிதாபமாக உயிரிழந்துள்ளார்.