ஹிருத்திக் ரோஷன் மேல் காதலா? நடிகை மீனா சொன்ன அதிர்ச்சி தகவல்!

Meena Talk about Her Childhood Crush : பன்மொழி நடிகை மீனா துரைராஜ் தற்போது அடிக்கடி தலைப்புச் செய்திகளில் வருகிறார். 48 வயதிலும், 28 வயது இளம்பெண் போலவே காட்சியளிக்கிறார். மூன்று தசாப்தங்களுக்கும் மேலாக தென்னிந்திய சினிமாவில் பிரபலமான நடிகையாக வலம் வருகிறார். 6 வயதில் சினிமாவில் அறிமுகமான மீனா, 42 ஆண்டுகளாக நடிகையாக இருக்கிறார். கோவிட் தொற்றால் பாதிக்கப்பட்ட அவரது கணவர் வித்யாசாகர், நுரையீரல் தொற்று காரணமாக சிகிச்சை பலனின்றி உயிரிழந்தார். அதன் பிறகு, மீனா மறுமணம் செய்துகொள்வார் என்ற செய்தி பல ஆண்டுகளாகவே பேசப்பட்டு வருகிறது.

சமீபத்தில், சூப்பர் ஸ்டார் ரஜினிகாந்தின் முன்னாள் மருமகன் தனுஷுடன் மீனாவுக்கு திருமணம் நடக்க இருப்பதாக செய்திகள் வெளியாகின. இந்த வதந்திகளுக்கு மீனா பலமுறை விளக்கம் அளித்துள்ளார். இப்போது அதுபற்றி பேசுவதையே நிறுத்திவிட்டார். ஆனால், அவரது பழைய வீடியோ ஒன்று வைரலாகி வருகிறது. அதில், தனது வாழ்க்கையில் நடந்த சில சுவாரஸ்யமான விஷயங்களை மீனா பகிர்ந்து கொண்டுள்ளார்.

தமிழ் சேனல் சினி உலகத்தில் நடிகை சுஹாசினி நடத்தும் நிகழ்ச்சியில் கலந்துகொண்ட மீனா, தனது காதல் குறித்து பேசியுள்ளார். வித்யாசாகரை மணப்பதற்கு முன்பு யாரை காதலித்தார், கடைசியில் என்ன ஆனது போன்ற சுவாரஸ்யமான தகவல்களை அவர் பகிர்ந்து கொண்டார். அந்த நடிகர் திருமணம் செய்துகொண்டபோது, எனக்கு மனம் உடைந்து போனது என்றும் மீனா கூறியுள்ளார். 'ஒரு பாலிவுட் நடிகர் மீது எனக்கு காதல் இருந்தது. அவர் திருமணம் செய்துகொண்ட செய்தி என்னை மிகவும் பாதித்தது' என்று மீனா கூறியுள்ளார்.

 'ஹிருத்திக் ரோஷனை நான் மிகவும் விரும்பினேன். அவரைப் போன்ற ஒருவரைத்தான் திருமணம் செய்துகொள்ள வேண்டும் என்று அம்மாவிடம் சொல்வேன். அப்போது எனக்கு திருமணம் ஆகவில்லை. வீட்டில் திருமணம் பற்றி பேச ஆரம்பித்தபோது, அம்மாவிடம் இதைத்தான் சொல்வேன். ஆனால், இதை ஹ்ரித்திக்கிடம் நான் ஒருபோதும் சொன்னதில்லை. ஆனால், அவர் மீது எனக்கு காதல் இருந்தது உண்மை' என்று மீனா கூறியுள்ளார். ஹிருத்திக் திருமணம் செய்துகொண்ட நாளில், எனக்கு மனம் உடைந்து போனது என்றும் அவர் கூறியுள்ளார். அப்போது, நடிகை சுஹாசினி, மீனாவும் ஹ்ரித்திக்கும் சந்தித்துக் கொண்ட பழைய புகைப்படத்தை பகிர்ந்து கொண்டார்.

தனது மகள் நைனிகா சினிமாவில் அறிமுகமானது குறித்தும் மீனா பேசியுள்ளார். 'இதுகுறித்து எனக்கு மகிழ்ச்சி. விஜய் நடித்த தெறி படத்தின் மூலம் சினிமாவில் அறிமுகமானார். அந்தப் படம் பெரிய வெற்றி பெற்றது. இது எனக்கு மிகவும் பெருமையான விஷயம்' என்று மீனா கூறியுள்ளார். தனது சினிமா பயணம் குறித்தும் பேசிய அவர், படையப்பா படத்தில் ரம்யா கிருஷ்ணன் நடித்த வில்லி கதாபாத்திரத்தில் முதலில் நடிக்க தன்னைத்தான் தேர்வு செய்தார்கள். ஆனால், அந்தக் கதாபாத்திரத்தில் நடிக்க வேண்டாம் என்று என் அம்மா சொல்லிவிட்டார். அதனால் நான் நடிக்கவில்லை என்றார். நாயகியாக நடிக்கும்போது, வில்லியாக நடித்தால், அது என் சினிமா பயணத்தை பாதிக்கும் என்று அம்மா நினைத்தார். ஆனால், பிறகு அந்தக் கதாபாத்திரத்தில் நடித்திருக்கலாமோ என்று எனக்கும் தோன்றியது என்று மீனா கூறியுள்ளார்.