மூளையை சுறுசுறுப்பாக்கும் வாக்கிங்!! எத்தனை நிமிஷம் நடக்கனும் தெரியுமா?

How Walking For Just 5 Minutes Improves Brain : நடைபயிற்சி உங்களுடைய மூளை ஆரோக்கியத்தை மேம்படுத்தும் என ஆய்வில் தெரியவந்துள்ளது. அதிலும் வயதானவர்கள் சுறுசுறுப்பாக நடைபயிற்சி செய்வது அவர்களுடைய இதயத்துடிப்பை அதிகரிப்பதோடு, இரத்த ஓட்டத்தையும் மேம்படுத்துகிறது. மூளைக்கு இரத்த ஓட்டம் சீராக செல்வதால் மூளையின் செயல்பாடு மேம்படுகிறது.

உங்களுடைய மூளை செயல்பாட்டை நீங்கள் மேம்படுத்த விரும்பினால் அதற்கு வெறும் உடற்பயிற்சிகளும், நடைபயிற்சியும் மட்டும் போதாது. நல்ல உணவு, சிறந்த தூக்கம் போன்றவையும் அவசியம்.

ஆய்வில் தகவல் :

அண்மையில் 65 முதல் 80 வயதுக்குட்பட்ட 585 முதியோரிடம் மேற்கொள்ளப்பட்ட ஆய்வில் அவர்களுடைய தூக்கம், உடல் செயல்பாடு, 24 மணி நேரத்திற்கும் மேலாக அமர்ந்திருக்கும் நடத்தை ஆகியவை கவனிக்கப்பட்டது. இது அவர்களின் அறிவாற்றல் செயல்திறனுடன் ஒப்பிடப்பட்டது. இதில் தினமும் உடற்பயிற்சி செய்தவர்கள் சிறந்த மூளை ஆரோக்கியம் கொண்டிருந்ததாக கண்டறியப்பட்டது. இதில் குறிப்பிட்ட சில விஷயங்களை ஆராய்ந்தபோது, ​சுறுசுறுப்பான நடைபயிற்சி கவனிக்கத்தக்க மாற்றங்களை ஏற்படுத்தியுள்ளது.

போதுமான உடல் செயல்பாடுகளின்றி உடற்பயிற்சியும் செய்யாமல் தவிர்ப்பது மூளை ஆரோக்கியத்தை மோசமாக மாற்றுகிறது. நாள் முழுக்க அமர்ந்தே இருப்பது உங்களுடைய எலும்புகள், நரம்புகள், இதயம், தசைகள் மூளை ஆகியவற்றை மோசமாக பாதிக்கிறது.

வெறும் 5 நிமிடங்கள் போதுமா?

ஆய்வுகளின்படி, தினமும் மிதமான முதல் தீவிரமான உடல் செயல்பாடுகளை செய்பவர்கள் உடல் ஆரோக்கியம் மேம்படுகிறது. அத்துடன் மனம் மற்றும் மூளை ஆரோக்கியம் முன்னேறுகிறது. குறைந்தபட்சம் வெறும் 6 நிமிடங்கள் வேகமாக நடந்தாலும் அவர்களுடைய அறிவாற்றல் மேம்படும்.

சுறுசுறுப்பான நடைபயிற்சி:

வேகமாக நடப்பதை தான் சுறுசுறுப்பாக நடைபயிற்சி செய்வதாகக் கூறுகிறார்கள். இது உங்களுடைய இதயத் துடிப்பை அதிகரிக்கும். மெதுவாக நடப்பதை விடவும் வேகமாக நடப்பதால் மூளை துரிதமாக செயல்படுகிறது. சிந்தனை மேம்படுகிறது.